Nel volume “IL COMUNE DI MONTE OLIMPINO 1818 – 1884” scritto da Primo Porta, da pag. 51 in avanti, potete apprendere di una epidemia di colera sviluppatasi in Francia nel 1884 e poi diffusasi anche nella nostra provincia. Per cercare di contrastare l’epidemia, il Prefetto di Como dava ordine a tutte le dogane di controllare a fondo le persone e le merci provenienti da oltre Gottardo, e, ove si ritennesse opportuno, di sottoporle a “quarantena”. Vi racconto ora un aneddoto che si collega a quegli anni bui.
L’era la fin del milavottcent. Ann de miseria e de vita grama in tüta Italia.
I paisàn tiravan innanz cunt un püü de roba de l’ort, ‘n quei pülaster per i dì da festa, la vigna e ‘na quei bestia in stala.
In del 1883 dall’Asia ‘na squadra de uperari l’era purtàà ni port de Marsiglia e Tolone ul virus del cölera, che, datü i cattivi cundiziun di ca’ e de l’igiene, l’era in poc temp, rivàà in tutt ‘l Nord Italia.
Sücced che un dì i Cereghetti de Vacall trovan in stala ‘na vaca morta…
In giàmò drèè a tacala sù per pelala e tajala a tocc…che ga riva ‘doss i gendarmi.
“ Se si drèè a fa? Sa po’ minga, gh’è ‘n gir ul cölera, sem minga de cusè l’è morta! Devuv fa ‘na busa, metala dent, quatala sù cunt la calcina e suterala.”
Ul pà, disperaa, al ciama i fijoo: “ Se verum minga vech istori devum fa cum’è disan” ma “fii in manera che, passàà ‘n quei dì e calmàà i acqui, podum tirala foöra e finì quel che sevum drèè a fà”
Ciapan la bestia, van sù al runch e, sòta i occ di gendarmi, fann quel che gh’è stà cumandàà.
Passàà tri dì tornan sù al runch…ma… trovan dumà ‘na busa!!!
La vüs de quel che era süccèès l’era riva fin ai Quarzitt che, de nòcc, eran pasàà dent de Rüngiana, e in quatar e quatr’ott, evan disuteràà la bestia e pö… sfrusada foöra…