Sant’Antòni del purscèll,
ch’el sunava el campanèll,
el campanèll el se s’cepaa,
Sant’Antòni l’è scapaa,
l’è scapaa dedree ‘na pòrta,
gh’era là ‘na dònna mòrta,
la dònna mòrta l’ha sguagnii,
Sant’Antòni el s’è stremii,
el s’è stremii d’una manèra,
che ogni ann ghe fann la fèra.
Gh’èra pizz i candelee,
Sant’Antòni el gh’è naa ‘dree,
el gh’è naa ‘dree per fagh unur,
Sant’Antòni l’era on sciur,
l’era on sciur senza peccaa,
sant’Antòni el s’è salvaa,
el s’è salvaa in Paradìs:
sant’Antòni cunt san Luìs.